കൂവപ്പടി
ഗ്രാമ പഞ്ചായത്ത്

ഗ്രാമപഞ്ചായത്തിന്റെ സമഗ്ര വികസനവും ജനങ്ങളുടെ ജീവിത നിലവാരവും ഉയർത്തുന്നതിനായി വിവിധ മേഖലകളിൽ മാതൃകാപരമായ പദ്ധതികൾ നടപ്പിലാക്കി വരുന്നു. ആരോഗ്യ സംരക്ഷണം, മാലിന്യ സംസ്കരണം, സാമൂഹിക സുരക്ഷ, പൊതുസുരക്ഷ, പോഷകാഹാരം എന്നിവയിൽ ജനകീയവും സ്ഥിരതയാർന്നതുമായ ഇടപെടലുകളാണ് പഞ്ചായത്ത് ലക്ഷ്യമിടുന്നത്.

പ്ലാസ്റ്റിക് മുക്ത പഞ്ചായത്ത്

പരിസ്ഥിതി സംരക്ഷണത്തിനും ശുചിത്വപരിപാലനത്തിനുമായി പഞ്ചായത്തെ പൂർണമായും പ്ലാസ്റ്റിക് മുക്തമാക്കുന്ന പ്രവർത്തനങ്ങൾ ശക്തമായി നടപ്പിലാക്കുകയും  ഹരിതചട്ടങ്ങൾ വഴി ശുചിത്വവും പരിസ്ഥിതി സൗഹൃദവും ഉറപ്പാക്കുന്നു.

ഡയപ്പർ മാലിന്യ സംസ്കരണ യൂണിറ്റ് വിപുലീകരണം

ആരോഗ്യപരമായും പരിസ്ഥിതി സംരക്ഷണത്തിനുമായി ഡയപ്പർ ഉൾപ്പെടെയുള്ള സാനിറ്ററി മാലിന്യങ്ങളുടെ സുരക്ഷിത സംസ്കരണത്തിന് പ്രത്യേക യൂണിറ്റ് പ്രവർത്തിക്കുന്നു. വർധിച്ചുവരുന്ന ആവശ്യകത കണക്കിലെടുത്ത് പ്ലാന്റിന്റെ ശേഷി വർധിപ്പിക്കുന്നതിനുള്ള വിപുലീകരണ പ്രവർത്തനങ്ങൾ പുരോഗമിക്കുകയാണ്.

കുടുംബ ആരോഗ്യ കേന്ദ്രത്തിൽ ഫിസിയോതെറാപ്പി യൂണിറ്റ്

പൊതുജനങ്ങൾക്ക് കുറഞ്ഞ ചെലവിൽ മികച്ച ചികിത്സാ സൗകര്യം ലഭ്യമാക്കുന്നതിനായി കുടുംബ ആരോഗ്യ കേന്ദ്രത്തിൽ ഫിസിയോതെറാപ്പി യൂണിറ്റ് ആരംഭിക്കുന്നു. പ്രായമായവർക്കും അപകടാനന്തര ചികിത്സ ആവശ്യമായവർക്കും ഇത് വലിയ ആശ്വാസമാകും.

ആധുനിക ലാബ് സൗകര്യങ്ങൾ

കുടുംബ ആരോഗ്യ കേന്ദ്രത്തിലെ ലാബിലേക്ക് തൈറോയ്ഡ് പരിശോധന, വിറ്റാമിൻ ഡി പരിശോധന തുടങ്ങിയ അത്യാധുനിക പരിശോധനാ ഉപകരണങ്ങൾ ലഭ്യമാക്കുന്നു. ഇതിലൂടെ ഗ്രാമതലത്തിൽ തന്നെ ഗുണമേന്മയുള്ള പരിശോധനാ സേവനങ്ങൾ ഉറപ്പാക്കുന്നു.

 വീൽചെയറും ഓക്സിജൻ കോൺസെൻട്രേറ്ററും

ആരോഗ്യപരമായ അടിയന്തര ആവശ്യങ്ങൾ മുൻനിർത്തി വീൽചെയറുകളും ഓക്സിജൻ കോൺസെൻട്രേറ്ററുകളും പഞ്ചായത്ത് തലത്തിൽ ലഭ്യമാക്കിയിട്ടുണ്ട്. രോഗികൾക്കും വയോജനങ്ങൾക്കും ഇത് ഏറെ സഹായകരമാണ്.

അങ്കണവാടി പോഷകാഹാര പദ്ധതി

കുട്ടികളുടെ ആരോഗ്യകരമായ വളർച്ച ഉറപ്പാക്കുന്നതിനായി അങ്കണവാടികളിൽ പോഷകസമൃദ്ധമായ ഭക്ഷണ വിതരണം കാര്യക്ഷമമായി നടപ്പിലാക്കുന്നു. ഗർഭിണികൾക്കും മുലയൂട്ടുന്ന മാതാക്കൾക്കും പ്രത്യേക പോഷകപദ്ധതികളും ഉൾപ്പെടുത്തിയിട്ടുണ്ട്. 

എ.ഐ നിലവാരത്തിലുള്ള സുരക്ഷാ ക്യാമറകൾ

പഞ്ചായത്തിന്റെ വിവിധ ഭാഗങ്ങളിൽ എ.ഐ സാങ്കേതികവിദ്യയോടുകൂടിയ ആധുനിക സുരക്ഷാ ക്യാമറകൾ സ്ഥാപിക്കുന്നു. പൊതുസുരക്ഷ ഉറപ്പാക്കുന്നതിനും കുറ്റകൃത്യങ്ങൾ നിയന്ത്രിക്കുന്നതിനും ഗതാഗത നിരീക്ഷണത്തിനും ഈ സംവിധാനം സഹായകരമാകും.

ജനകീയ പങ്കാളിത്തവും സ്ഥിരതയാർന്ന വികസനവുമാണ് പഞ്ചായത്തിന്റെ പ്രധാന ലക്ഷ്യം. ഈ മാതൃകാപദ്ധതികൾ വഴി ശുചിത്വം, ആരോഗ്യം, സുരക്ഷ, സാമൂഹികക്ഷേമം എന്നിവയിൽ മികച്ച മാറ്റങ്ങൾ കൈവരിക്കുകയാണ് പഞ്ചായത്ത്.